.
ආසියාවේ උසම දළ ඇතු ලෙස විරුදාවලිය ලබා ඇත්තේ නැදුන්ගමුවේ හර්ෂ ධර්ම විජය මහතාට අයත් නැදුන්ගමුවේ රාජා හස්තියා වේ.
නැදුන්ගමුවේ රාජා උපත ලබා ඇත්තේ ඉන්දියාවේ මයිසූර් ප්‍රාන්තයේ වේ. එහි විසූ ධනවත් මහරාජා වරයෙකුගේ පෞද්ගලික ඇත්ගාලක සිටි ඇත් පැටවකු වූ රාජා ශ්‍රීලංකාවට පැමිනෙන්නේ නීලම්මහර වෙද මහතාට ලද ත්‍යාගයක් ලෙසින් වේ.
මෙම මහ රාජා වරයාට වැලඳී තිබූ නිධන්ගත රෝගී තත්ත්වයක් නීලම්මහර වෙද මහතා විසින් සුවපත් කිරීම නිසා සතුටු වූ මහරාජා ඇත් පැටවුන් දෙදෙනෙකු ත්‍යාගයක් ලෙස නීලම්මහර වෙද මහතාට ලබාදී ඇත
නීලම්මහර වෙද මහතා ලග වසර ගනනාවක් සිටි ඇතුන් දෙදෙනා බලාකියාගත නොහැකි නිසා ඉන් එක් පැටවෙකු නැදුන්ගමුවේ පී ඩී පී ධර්ම විජය වෙද මහතාට ලබා දී ඇත. ඉන් පසු එම ඇත් පැටවා නැදුන්ගමුවේ රාජා ලෙසින් ප්‍රසිද්ධ විය.
අනෙක් පැටවා හුණුපිටියේ ගංගාරාමයේ හැදී වැඩුනු අතර එම ඇත් පැටවාට නවම් රාජා යන නම ලබා දී ඇත.
ලංකාවේ මෙන්ම ආසියාවේ ද සද්දන්ත කුලයේ ඇතුන් දෙදෙනෙකු වූ මෙම රාජා සහෝදරයන්ගෙන් නවම් රාජා අද වන විට මියගොස් ඇත.
නැදුන්ගමුවේ ධර්ම විජය මහතාගේ අභාවයෙන් පසුව ඔහුගේ පුත් හර්ෂ ධර්ම විජය මහතා නැදුන්ගමුවේ රාජාගේ ස්වාමියා විය.
වයස වසර හැත්තෑවක් පමණ වන නැදුන්ගමුවේ රාජා 2005 වසරේ මහනුවර දළදා මාලිගාවේ පෙරහැරහි සධාතුක කරඬුව වැඩැම්ම වීමට යෝජනා වූවද රාජාගේ උස වැඩි නිසා මන්ජුසාව තැන්පත් කිරීමට නොහැකි වී එම අවස්ථාව රාජාට අහිමි විය.
2006 වසරේ මන්ජුසාවේ හැඩය වෙනස් කර නැදුන්ගමුවේ රාජා හට පළමු වරට ශ්‍රී දන්ත ධාතුන් වහන්සේගේ වැඩැම්ම විම භාර කරනා ලදී.
එදා සිට අඛන්ඩව සධාතුක කරඬුව වැඩැම්ම වීමේ භාග්‍යය නැදුන්ගමුවේ රාජාට හිමි වී ඇත.
මහනුවර පෙරහැරට අමතරව රත්නපුර මහ සමන් දේවාල පෙරහැර , බෙල්ලන්විල පෙරහැර වාද්දූවේ පෙරහැර දඹදෙණි පෙරහැර ආදී පෙරහැර කිහිපයකටම සහභාවී වේ..
මේ සෑම ගමනක් සදහාම රාජා ගමන් කරන්නේ පයින් වේ. ඒ රාජාගේ කැමැත්ත වේ. මහනුවර දළදා පෙරහැරට රාජා ගමන් කරන්නේ දින 5ක ගමනක් ලෙසය.
මද කිපී ඇති අවස්ථාවකදී උවද පෙරහැර කටයුතුවලට සහභාගි වීමට තරම් මනා සංයමයක් සහිත බොහෝ බුද්ධිමත් සත්වයෙක් වේ.
මෙවරත් දළදා කරඩුව වැඩම වීමට අපේක්ෂාවෙන් සිටින හැත්තෑ දෙවෙනි වියේ පසුවන නැදුන්ගමුවේ රාජා හස්තියා හට තවත් වසර ගනනාවක් ශ්‍රී දන්ත ධාතුන් වහන්සේ වැඩම කරවීමේ භාග්‍ය වාසනාව උදා වේවා. සම්මා සම්බුදු සරණින් චිරාත් කාලයක් නිදුක් නිරෝගී බව ලැබේවා !!!
.
▬▬▬▬▬▬▬▬▬▬▬▬▬▬▬▬▬▬▬▬▬▬▬
No comments:
Post a Comment