මේ බණ කියන මටත්,බණ අහන ඔබටත් අසංඛ්‍යයක් ආයුශ නැහැ පින්වතුනි . අපායේ,දිව්‍ය ලෝක වල ආයුශ වලට සාපේක්ෂව දියෙහි ඇඳි ඉරක් යන ගණයටවත් යන්නේ නැහැ මනුෂ්‍ය ලෝකයේ ආයුෂ. ඒ තරම් ඉතාමත් ම අල්ප ආයුෂක් ඔබත් මමත් ගෙවන්නේ. අපට වියදම් කරන්න ලොකු කාලයක් නැහැ. හැමදාම බුද්ධෝත්පාද කාලයක්,මනුෂ්‍ය ජීවිතයක් ,සද්ධර්මය තියෙන වටපිටාවක් ලැබෙන්නේත් නැහැ .අනන්ත ජාති සංසාරයෙහි ඕනෑ තරම් ගෙවල් දොරවල් හදලා ඇති. දූ දරුවො හදලා වඩලා උගන්වල ඇති. ලෝකය ඕනෑ තරම් වර්ධනය කරලා ඇති . ඒත් අපි සසර දුකෙන් මිදුනේ නැහැ .
කියලා .
පින්වතුනි ,ලෙඩුන් තමයි ඉස්පිරිතාලයේ යන්න ඕන. නීරෝගී අය ඉස්පිරිතාලයේ යන්න ඕන නෑ. ඒ වගේ ප්‍රශ්න ගැටලු තියෙන හින්දාම යි මේ ධර්මය අවශ්‍ය . ඒ වගේ ප්‍රශ්න ගැටලු නැත්නම් ,කරදර නැත්නම් ,කරදර ඇති සසරක් අපට ලැබෙන්නේ නැත්නම් ,ධර්මයක් කියලා එකක් අපට ඕනෑ නෑ. මේ ජීවිතය පුරාවට කිසිම කරදරයක් නැති කෙනෙක් වුනත් නමුත් බලන්නකො මහලු බව,මරණය කියන ධර්මතා දෙක ඉක්මවා ගන්න බැහැ නේ අපට.ජීවිතය පුරාවට ම මොනතරම් යහපතක් තිබුනත්, ඒ යහපත අතහැරෙනවා මහලු බව, මරණය කියන ධර්මතා දෙකත් එක්ක.
බුදුරජාණන් වහන්සේ දේශනා කරනවා ,මේ තථාගත ධර්මය ලෝකයේ විද්‍යමාන වෙන්නේ ජාති,ජරා,මරණ කියන මේ ධර්මතා තුන නිසා යි කියලා . ඔය මහලු බවට එහෙම තාවකාලික පැලැස්තර දමාගන්න පුළුවන් .නමුත් ඉපදීම , මහලු බව, මරණය කියන ධර්මතා තුන සදාතනිකවම සුව කරන්න ලෝකයේ ඔසු නැහැ . එකම ඖෂධය යි තියෙන්නේ,මේ සද්ධර්මය .
පූජ්‍යපාද මාන්කඩවල සුදස්සන ස්වාමින්වහන්සේගේ - 2017 කඨින දේශන
ලබුනෝරුව කන්ද සහ නාඋල
sudassana.org
No comments:
Post a Comment